தேனி மாவட்ட ஆட்சியர் இடமாற்றம்… புதிய ஆட்சியராக கிருஷ்ணன் உன்னி நியமனம்..!!

தேனி மாவட்ட ஆட்சியர் இடமாற்றம்… புதிய ஆட்சியராக கிருஷ்ணன் உன்னி நியமனம்..!!
Spread the love

தேனி: தேனி மாவட்ட ஆட்சியராக பணியாற்றி வரும் பல்லவி பல்தேவ் பணியிட மாற்றம் செய்யப்பட்டுள்ளார்.

தமிழகத்தில் விரைவில் சட்டமன்ற பொதுத்தேர்தல் நடக்க உள்ளது. இதையொட்டி தமிழகத்தில் ஐ.ஏ.எஸ். அதிகாரிகள் மற்றும் ஐ.பி.எஸ். அதிகாரிகளும், அரசு துறை பிற அதிகாரிகளும் இடமாற்றம் செய்யப்பட்டு வருகின்றனர். அந்த வரிசையில் தேனி மாவட்ட ஆட்சியராக பணியாற்றி வரும் பல்லவி பல்தேவ் பணியிட மாற்றம் செய்யப்பட்டுள்ளார்.

அவர், சென்னையில் நில நிர்வாக கூடுதல் ஆணையராக நியமிக்கப்பட்டு உள்ளார். அவருக்கு பதிலாக, தமிழக நிதித்துறை இணை செயலாளர் கிருஷ்ணன் உன்னி, தேனி மாவட்டத்துக்கான புதிய ஆட்சியராக நியமிக்கப்பட்டுள்ளார். இதற்கான உத்தரவை தமிழக அரசு முதன்மை செயலாளர் ராஜீவ் ரஞ்சன் நேற்று பிறப்பித்தார்.

பல்லவி பல்தேவ் தேனி மாவட்டத்தின் முதல் பெண் கலெக்டர் என்ற சிறப்பை பெற்றவர். அவர் 2018ம் ஆண்டு பிப்ரவரி மாதம் 25ம் தேதி தேனி மாவட்ட ஆட்சியராக பொறுப்பேற்றார் என்பது குறிப்பிடத்தக்கது. தற்போது புதிய கலெக்டராக நியமிக்கப்பட்டுள்ள கிருஷ்ணன் உன்னி, தேனி மாவட்டத்தின் 16வது கலெக்டர் ஆவார்.

Leave a Reply

Your email address will not be published. Required fields are marked *